Gurmad aan horay loo arag oo ay fulisay Dekedda Jabuuti ayaa lagu xaqiijiyay in ay si nabad ah ku soo laabteen Rakaabkii la socday Markabka “Rubimar”, kaas oo ka babanaya Calanka Dowladda Belize.
Markabkan aan kor ku soo xusnay ayaa la weeraray Axadii ina dhaaftay, xilli uu ka gudbayay Koonfurta Badda Cas, taasoo keentay in Kabtankii iyo shaqaalihii la socday ay si taxadar leh uga saaraan markabka.
Daawaynta ayaa la siiyay shaqaalihii markabka, kuwaasoo ka koobnaa 24 qof (11 Suuriyaan ah, 6 Masaari ah, 3 Hindi ah iyo 4 Filibiin ah).
Arrintan ayaa timid ka dib markii ay maqleen qaylo dhaan ka soo yeertay markabka, waxaana si deg deg ah uga jawaabay ciidamada badda Jabuuti oo ku dayasho mudan, iyadoo shaqaalihii markabka la weeraray ay ku qasbanaadeen inay isaga tagaan markabka, iyagoo kaga tagay badda Bab el-Mandeb. Ciriiri
Farogelintan degdegga ah awgeed, maamulka Jabuuti waxay awoodeen inay hubiyaan in shaqaalaha markabka ay si nabad ah ku yimaadeen dekedda Jabuuti, rubuc saac ka hor shan.
Waxaa xusid mudan in howlgalka badbaadinta badda ee ka socda xeebaha dalka Jabuuti uu mar kale xaqiijinayo doorka muhiimka ah ee ay Dekadda Jabuuti ka ciyaareyso ilaalinta badqabka badda iyo gargaarka maraakiibta, gaar ahaan xaaladaha degdega ah.
Tilmaantan midnimada caalamiga ah waxay sidoo kale kor u qaadaysaa sumcadda Djibouti, oo loo arko inay saldhig u tahay amniga iyo xasilloonida gobolkan, oo ay inta badan ruxaan duufaannada juqraafiyeed.
Markabka ayaa siday 21,999 tan.