Heshiis iskaashi oo u dhexeeya Guddiga Xuquuqul Insaanka Qaranka iyo Ururka Caalamiga ah ee Socdaalka
- admin
- Axad , 31 December 2023 14:4 PM GMT
Khamiistii la soo dhaafay, Guddiga Qaranka ee Xuquuqul Insaanka iyo Ururka Caalamiga ah ee Socdaalka ayaa saxiixay heshiis iskaashi oo ujeedadiisu tahay xoojinta iskaashiga ilaalinta xuquuqda aadanaha iyo taageeridda muhaajiriinta. Waxaana heshiiska u saxeexay guddoomiyaha guddiga xuquuqul insaanka ee qaranka Cali Sobna Ateh iyo wakiilka hay’adda socdaalka adduunka Marwo Tania Pacifico.
Axdigani waxa uu xoojinayaa ilaalinta xuquuqda aasaasiga ah ee shakhsiyaadka, gaar ahaan soogalootiga iyo barokacayaasha, iyada oo la eegayo xaaladda caqabadaha socdaalka.
Sidaas darteed, waxaa la midayn doonaa dadaallada labada dhinac si loo fuliyo hindisayaal wadajir ah oo looga gol leeyahay in lagu xaqiijiyo deegaan ixtiraamaya xuquuqda aadanaha, iyadoo xoogga la saarayo baahiyaha gaarka ah ee muhaajiriinta, ilaalintooda, amniga iyo isdhexgalka.
Labada dhinac waxay caddeeyeen sida ay uga go’an tahay inay si wadajir ah uga wada shaqeeyaan hirgelinta barnaamijyada iyo mashaariicda looga golleeyahay horumarinta sharafta aadanaha iyo hubinta ixtiraamka xuquuqda aasaasiga ah ee muhaajiriinta, si waafaqsan heerarka caalamiga ah.
La wadaag
Faallo Lama Helin