Xarunta Tababarada, Cilmi Baarista iyo Wadatashiga ee Al Salaam ayaa waxaa lagu qabtay dood cilmiyeed ay qabatay Hay’adda Qaranka ee ilaalinta Shareecada Islaamka, kaasi oo cinwaankiisu ahaa Horumarinta Maaliyadda Islaamka.

Waxqabadkii dood-cilmiyeedkan oo uu guddoominayay Guddoomiyaha Hay’addaas Mudane Ibraahim Cabbaad Ibraahim, iyadoo ay goob-joog ka ahaayeen wakiillo ka socday bangiyada Islaamiga ah ee ka hawl-gala fagaarayaasha dalka, iyadoo ay wehelinayeen culimo badan, wakiillo ka socday bulshada rayidka ah iyo marti-sharaf kale.

Waxa la iftiimiyay fikradda maaliyadda Islaamka, iyo sidoo kale xakamaynta shareecada, iyo doorka muhiimka ah ee ay tignoolajiyada casriga ahi ka ciyaaraan horumarinta maaliyadda Islaamka.

Ugu horeyn waxaa khudbad dheer ka jeediyay Madaxa Hay’adda La-socodka Shareecada Islaamka oo ugu horeyn ku soo dhaweeyay ka qeyb galayaasha dood cilmiyeedkan, isagoo dhanka kale ku nuux-nuux saday in loo baahan yahay in dadka ka shaqeeya Bangiyada Islaamiga ah ee dalka ay fahmaan, isla markaana ay si dhow ula socdaan shareecada Islaamka. taas oo ku guulaysata u hogaansanaanta sharciga ah ee macaamilka shareecada waafaqsan.

Waxa uu tilmaamay in Hay’adda Qaranka ee Ilaalinta Shareecada ee Djibouti lagu dhisay digreeto Madaxweyne oo soo baxday November 2015, ujeedaduna tahay in la helo hoggaan mabaadi’da iyo qodobbada maaliyadda Islaamka ee taageeraya xoogga dhaqaalaha.

Waxa uu sheegay in bangiyada islaamiga ahi ay si firfircoon uga qayb qaadanayaan horumarinta adeegyada bangiyada dalka,halka uu bangiga dhexe ee Djibouti uu gacan ka geysto horumarinta bangiyada Islaamiga ah ee Djibouti,isaga oo dib u habayn is daba jooga ah ku sameeyay qaab-dhismeedka sharci iyo nidaam.
   Waxaa xusid mudan in hadafyada ugu waaweyn ee ay hiigsanayaan Hay’adda Qaranka ee Ilaalinta Shareecada Islaamka ay tahay in shaqaalaha maaliyadda Islaamiga ah ee ka shaqeeya Jabuuti laga sifeeyo wasakhda ribada ah iyadoo la eegayo qodobbada Shareecada Islaamka.